ဖဲဗေဒင်

၁။ အားလုံးကောင်းတယ်ဆိုတာကိုယ်ကောင်းမှဖြစ်တာပါ။ ၂။ ကိုယ့်လုပ်ရပ်ကို သူများအားကျအောင် လုပ်နိုင်ဖို့ လိုတယ်။ ၃။ ကျုပ်သေသွားရင်ကျုပ်ဘာတွေ လုပ်ခဲ့သလဲဆိုတာ ကျုပ်ရဲ့စာအုပ်တွေက ခင်ဗျားတို့ကိုပြောပြပါလိမ့်မယ်။ ၄။ သိထားတဲ့အခါမှာကျေနပ်နေရင် သိထားတာနဲ့ပဲ ကိစ္စပြီးသွားလိမ့်မယ်။ ၅။ နည်းနည်းလေးမှားတာကို ခွှင့်လွှတ်ခဲ့ရင် မဟာအမှား ကြီးဖြစ်သွားလိမ့်မယ်ဆိုတာ ကြပ်ကြပ်သတိထား။ ၆။ ဘာပဲကုန်သွား ကုန်သွား၊ ကျုပ်ဆီမှာ အမြဲရှိနေတာက မျှော်လင့်ချက်ပဲ။ ၇။ မြင့်မြတ်ချင်ရင်မြင့်မြတ်တဲ့အလုပ်ကိုလုပ်ရပါမယ်။ ၈။ လုပ်မယ်လို့စိတ်ကူးရဲရင်အဲဒီ့အလုပ်ဟာအောင်မြင်ဖို့ သေချာသွားပြီလို့ ကျုပ်ယုံကြည်တယ်။ ၉။ မောပြီဆိုပြီး သွားမရပ်လိုက်နဲ့။ ပိုပြီးမောသွားလိမ့်မယ်။ ဆက်သာလုပ်။ အောင်မြင်တဲ့အခါ သူ့ဘာသာသူ အမောပြေသွားလိမ့်မယ်။ ၁၀။ တန်ဖိုးဆိုတာ သိတဲ့လူအပေါ်မှာပဲ တည်တယ်။ မသိတဲ့ လူတွေအတွက် ဘာမှတန်ဖိုးမရှိဘူး။ ၁၁။ မုန်းတဲ့လူကမချစ်တာထက်၊ ချစ်တဲ့သူတွေက မမုန်းဖို့ ကျုပ်မှာတာဝန်ရှိတယ်။ ၁၂။ အခွင့်အရေးရယ်၊ အချိန်အခါရယ်၊ ပံ့ပိုးမှုရယ်၊ စိတ်ဆန္ဒရယ်မပါဘဲ ဘယ်အလုပ်မှ မအောင်မြင်ဘူး။ ၁၃။ ပြီးပြီးရောလုပ်ခဲ့တဲအလုပ်တွေအားလုံးဟာနောင်လာနောက်သားတွေကိုချောက်တွန်းခဲ့တာပဲဖြစ်တယ်။ ၁၄။ လုပ်ပြီဆိုကတည်းက သမိုင်းတင်ချင်လို့ပဲ။ ၁၅။ မြင့်မြင့်ပျံရင်တော့ များများမောမှာပဲ။ များများမောမှလည်း မြန်မြန်ရောက်မယ်။ ၁၆။ ကိုယ်လုပ်နေတဲ့အလုပ်အပေါ်မှာရိုးသားစွာ လိပ်ပြာသန့်နေရင် ဘယ်သူ့ကိုမှ မှုစရာမလိုဘူး။ ၁၇။ မကောင်းဘူးလို့တစ်သံတည်းမထွက်သရွေ့ ကိုယ်လုပ်တဲ့အလုပ်ဟာ ကောင်းနေတယ်လို့ ကျုပ်ယူဆထားတယ်။ ၁၈။ လုပ်ချင်သလောက် မလုပ်နိုင်သေးရင် လုပ်နိုင်သလောက် လုပ်ထားမှာပဲ။ ၁၉။ ရန်သူတစ်ယောက်ထက်၊ ပတ်ချာလည်ဝိုင်းနေတဲ့မိတ်ဆွေတုတွေကို ကျုပ်ကပိုကြောက်တယ်။ ၂၀။ လုပ်ကြည့်လို့မှားသွားရင် ၀မ်းသာပေတော့။ ၂၁။ နှိုက်သလောက်ရတာ ပညာပါပဲ။ ၂၂။ ဘယ်ကိစ္စကိုမဆို ပီပီပြင်ပြင် မတီထွင်နိုင်ရင် ရယ်ချင်စရာဖြစ်သွားမှာ။ ၂၃။ သူများလုပ်ပြတာတွေကို အားရစရာမလိုဘူး။ အားကျဖို့ပဲလိုတယ်။ ကိုယ်တိုင်လုပ်နိုင်ဖို့လိုတယ်။ ၂၄။ လုပ်ခဲ့တာတွေအပေါ်မှာ ယစ်မူးမနေဘူး။လုပ်ချင်တာတွေအပေါ်မှာ စိတ်ကူးမယဉ်ဘူး။ လုပ်နေတာတွေအပေါ်မှာဘဲ ကျေနပ်တယ်။ ၂၅။ တစ်လောကလုံးမှာ လုံခြုံတဲ့နေရာဟာ စိတ်ထဲမှာပဲရှိတယ်။ ၂၆။ ကိုယ်ဘာလုပ်နေသလဲဆိုတာ သူများသိဖို့မလိုဘူး။ ကိုယ်သိဖို့ပဲလိုတယ်။ ၂၇။ မျက်စိကန်းတာအရေးမကြီးဘူး၊ စိတ်ဓါတ်မကန်း ဖို့အရေးကြီးတယ်။ ၂၈။ လက်ခုပ်တီးတိုင်း ကိုယ့်ကိုအားပေးတယ်မထင် နဲ့၊ ကိုယ့်ကိုတောထုတ်တာလဲဖြစ်နိုင်တယ်။ ၂၉။ ပညာလိုချင်ရင် မာနထား၊ ပညာပေးချင်ရင် မာနချ၊ ဒါမှပညာရှင်ဖြစ်တယ်။ ၃၀။ ၀ိုင်းမြှောက်တိုင်း မြှောက်သွားရင် ပေါက်သွားမှာ လဲ သတိထားဦး။ ၃၁။ ကြိုက်နေတယ် ဆိုတာ အားလုံးကောင်းနေလို့ ဆိုပြီးမထင်နဲ့။ သူ့အတွက် ကြိုက်တာလား၊ ကိုယ့်အတွက် ကြိုက်တာလား၊ စဉ်းစားကြည့်။ ၃၂။ ကိုက်မယ့်အလုပ်ထက် ကြိုက်တဲ့အလုပ်ကိုလုပ် ရတာ ကျုပ်ပိုပျော်တယ်။ ၃၃။ လုပ်နိုင်သလောက်ကိုပဲပြော၊ ပြောသလောက်မ လုပ်နိုင်ရင် ကွယ်ရာမှာ ရယ်စရာဖြစ်နေမယ်။ ၃၄။ လမ်းမြင်တာနဲ့ ပန်းဝင်ပြီလို့မထင်နဲ့၊ အဝေးကြီး လိုသေးတယ်။ဆက်သာပြေး၊ အချိန်တန်ရောက် သွားလိမ့်မယ်။ ၃၅။ ငွေတစ်မတ်နဲ့ ငါးကြင်းခေါင်းကို လိုချင်လို့မရပါ။ တန်ဖိုးကြီးကြီးပေးခဲ့မှ တန်ဖိုးရှိတာတွေ အားလုံး ရမယ်လို့ ကျုပ်ခံယူတယ်။ ၃၆။ ထီးလိုနေမလား၊ ဘိနပ်လိုနေမလား၊ လွယ်အိတ် လိုလိုက်မလား၊ ကိုယ့်အခြေအနေကို ပြတ်ပြတ် သားသား ဆုံးဖြတ်နိုင်ဖို့လိုတယ်။ ၃၇။ လမ်းသစ်ထွင်ရင် ဆူးနင်းမိမှာဘဲ။ ဆူးကြောက် ပြီးဒူးထောက်မိခဲ့ရင်မူးနောက်ပြီးလဲသွားလိမ့်မယ် ၃၈။ စိတ်မကုန်မချင်းလုပ်လို့ ကောင်းနေတဲ့ အလုပ် တွေဟာ စိတ်ကုန်သွားတာနဲ့ရပ်သွားမှာပဲ။ ၃၉။ အရိုးစူးတယ်ဆိုတာငါးစားလို့။ အမှားများတယ် ဆိုတာအလုပ်လုပ်လို့။ အဲဒါဘာဖြစ်သလဲ။ မှားစမ်းပါစေ။ ၄၀။ တမာရွက်ခါးတာ၊ သကြားချိုတာ၊ ငရုတ်သီး စပ်တာ၊ ရှောက်သီးချဉ်တာ သူတို့အလုပ် သူတို့လုပ်တာမို့ ကျုပ်ဂုဏ်ယူပါတယ်။ ၄၁။ အချိန်ကိုကိုယ်ကစောင့်ရတာ၊ အချိန်ကကိုယ့်ကို ဘယ်တော့မှမစောင့်ဘူး၊ အဲဒါသိပ်မတရားဘူး။ ၄၂။ ကကြီးကို ပက်လက်လှန်မကြည့်နဲ့၊ ကပက်လက် တော့ဖြစ်မှာမဟုတ်ဘူး၊ ယပလက်ပဲဖြစ်သွားမှာ။ ၄၃။ ပညာတော်တယ်ဆိုတာ ပညာရှာတော်တော့လို့ ပြောတာမဟုတ်ဘူး။ ဆက်ကြိုးစားဖို့ သတိပေး နေတာ။ ၄၄။ စိန်ခေါ်တယ်ဆိုတာ အနိုင်ရရေးအတွက်မဟုတ်ဘူး၊ အရှုံးမပေးဘူးဆိုတာသိဖို့အတွက်ပဲ။ ၄၅။ စာသာကောင်းပါစေ၊ ဘာလာတောင်းစရာရှိပါ့မလဲ၊ အားလုံးပြည့်စုံနေလိမ့်မယ်။ ၄၆။ ကျုပ်ရေးတဲ့စာဟာကျုပ်ဖတ်ဖို့မဟုတ်ဘူး။အားလုံးဖတ်ဖို့။ အားလုံးနဲ့တန်အောင် ကြိုးစားရမယ်။ ၄၇။ ညာစရာရှိလို့ပြင်တာကို ပညာရှိလို့ခေါ်တယ်တဲ့။ ဟုတ်လဲဟုတ်ပဲနဲ့။ ၄၈။ နောက်ဆုံးစက္ကန့်အထိပညာရပ်အပေါ်မှာရပ်တည်နိုင်ခြင်းဟာယောကျာ်းကောင်းရဲ့စိတ်ဓါတ်ပါပဲ။ ၄၉။ ပညာရပ်တစ်ခုကိုမမှန်ဘူးဆိုတာ သိနေရဲ့သားနဲ့ မှန်ပါတယ်လို့ လက်ခံနေရတာလောက် ခံပြင်းစရာကောင်းတာမရှိဘူး။ ၅၀။ ဂုဏ်ရှိအောင် ကြိုးစားတာထက် ရှိတဲ့ဂုဏ်ကို ထိန်းသိမ်းရတာ ပိုခက်တယ်။ ၅၁။ သူများလုပ်လို့ဖြစ်တာကို ၀မ်းသာနိုင်တဲ့လူဟာ သူတော်ကောင်းဖြစ်တယ်။ ၅၂။ တန်ဖိုးဆိုတာပေးတဲ့လူအပေါ်မူတည်တတ်တယ်။ ၅၃။ အောင်မြင်မှုရဲ့အောက်ကို ငုံ့ကြည့်ပါ။ ဆူးညှောင့် ခလုတ်တွေ ရှိနေပါတယ်။ အသီးစားချင်ရင်တော့ သစ်ပင် စိုက်ရမှာပဲ။ ဒါမှ ထိုက်ထိုက်တန်တန် စားရမှာပေါ့။ ၅၄။ ယုံကြည်တယ်ဆိုတာတစ်ယောက်ကတစ်ယောက်ကိုယုံရင်ကြည်တာပဲ။မယုံရင်မကြည်ဘူး။ ဟုတ်တယ်မဟုတ်လား။ ၅၅။ ခေါင်းမာတာကို အထင်မကြီးဘူး။ စိတ်ဓါတ်ခိုင်မာတာကိုပဲ ကျုပ်ကလေးစားတာ။ ၅၆။ လုပ်ပြနိုင်တာအားလုံးဟာ သတ္တိတွေဖြစ်တယ်။ ၅၇။ စိတ်ကူးတွေဟာပန်းတိုင်ရောက်ဖို့ပထမခြေလှမ်းဖြစ်တယ်။ ၅၈။ ပညာဆိုတာ သိတဲ့သူတွေအတွက်သာ အသုံးကျတာ။ မသိတဲ့သူတွေအတွက် ဘာမှအသုံးမကျဘူး။ ၅၉။ ကိုယ့်ဘာသာကိုယ် ဘာလုပ်နေသလဲဆိုတာ မှန်မှန်ကန်ကန်သိရင် လူတော်ဖြစ်ပြီ။ ၆၀။ သိနေတဲ့ပညာကို မလိုချင်ဘူး၊ ရှိတဲ့ပညာကိုပဲလိုချင်တယ်။ ဒါမှအသုံးကျတာ။ ၆၁။ မနာလိုမဖြစ်နဲ့၊ လုပ်တဲ့လူဟာနေရာရမှာပဲ။ ၆၂။ အသက်ရှင်ပြီး အသိသေနေတဲ့သူမဖြစ်ရအောင် ကြိုးစားတာဟာ ကျုပ်ရဲ့အလုပ်ပဲ။ ၆၃။ မလုပ်နိုင်ဘဲ ပြောနေတာထက်၊ လုပ်ပြီးမပြောတဲ့သူကို ကျုပ်လေးစားတယ်။ ၆၄။ ဆရာမတူတာနဲ့၊ အတွေးမတူတာနဲ့၊ အပြစ်ရှာတတ်တဲ့ပညာရှိဟာ ပညာမဲ့တဲ့သူသာဖြစ်တယ်။ ၆၅။ နောက်မပင်ပန်းချင်ရင် အခုပင်ပန်းတဲ့အလုပ်တွေကို လုပ်ပါ။ ၆၆။ ပညာမှာအရှုံးမရှိဘူး၊ဆက်မလုပ်ရင်သာကိုယ်ကရှုံးတာ။ ၆၇။ ဦးနှောက်က သိလို့မရဘူး၊ နှလုံးသားကသိမှ သိတယ်လို့ခေါ်တာ။ ၆၈။ ပညာဆိုတာ အရိပ်လိုပဲ၊ ခင်ဗျားသွားရင် သူကလိုက်မယ်။ ခင်ဗျားရပ်ရင် သူကရပ်တယ်။ ၆၉။ မနိုင်မယ့်အလုပ်ကို အရင်စမလုပ်နဲ့။ လုပ်နိုင်တဲ့အလုပ်ကိုပဲစပြီးလုပ်။မနိုင်မယ့်အလုပ်ကိုဆက်လုပ်နိုင်လိမ့်မယ်။ ၇၀။ အပြောလွယ်ပေမယ့် အလွယ်မပြောပါနဲ့။ ၇၁။ ကျုပ်သေသွားခဲ့ရင် ကျုပ်ဝိဥာဉ်လေးဟာ ဗေဒင်ပညာနဲ့အတူ ခင်ဗျားဆီ ရောက်လာပါလိမ့်မယ်။

0 comments

ဖဲဗေဒင်

Published on Tuesday, December 18, 2012 in ဗေဒင် ဆောင်းပါးများ

အထက်ပါစကားကို ကျွန်တော်အမှတ်မထင် ကြားလိုက်ရဖူးပါတယ်။ ကျွန်တော်ကြားဖူးလိုက်သ လို၊ စာဖတ်သူများထဲက ကြားဖူးချင်လဲ ကြားဖူးကြ ပေလိမ့်မယ်၊ ဒါမှမဟုတ် ဒီလိုတွေးချင်လဲ တွေးမိကြ ပါလိမ့်မယ်။

ကျွန်တော်လဲ အစကတော့ “အင်းဟုတ်သား ပဲကြံကြံဖန်ဖန်….” ဟုတွေးမိပါတယ်၊ တဆက်တည်း မှာပင် “မှန်လဲမှန်မှာမဟုတ်ပါဘူး” ဟူသောအတွေး က ထပ်ပြီးဖြည့်စွက်လိုက်သေးတယ်။

တစ်နေ့၊ ကျွန်တော့်သူငယ်ချင်း ဗေဒင်ပညာ ရှင်တစ်ယောက်က “မင်းဖဲဗေဒင်ကိုအထင်မသေးနဲ့၊ အတော်မှန်သဟ” လို့သူကအပြတ်ထောက်ခံလိုက် တော့ ယုံရကောင်းမလား၊ မယုံရကောင်းမလားနဲ့ ကျွန်တော်ရဲ့လက်တွေ့ ဝေဖန်ဆန်းစစ်လိုတဲ့ဗီဇဥာဏ်က ရိုးတိုးရွတဖြစ်လာပါတော့တယ်။

ဒီလိုနဲ့ပဲ ကျွန်တော်ဟာ ဗေဒင်ကို လေ့လာ ကြည့်မိပါတော့တယ်၊ ဒီအခါမှာတော့ ကျွန်တော်မ မျှော်လင့်တဲ့အချက်တချက်ကိုသွားတွေ့ပါတယ်၊ ဗေ ဒင်သမိုင်းကို လေ့လာတဲ့အခါ ဘာသွားတွေ့သလဲ ဆိုတော့……..၊

“ဥရောပမှာ ရှေးဦးစွာပေါ်ပေါက်ခဲ့သော တားရော့ဖဲချပ်များသည် အပျင်းပြေဖဲကစားရန်အတွက်ရည်ရွယ်၍ တီထွင်ခြင်းမဟုတ်ပဲ နိမိတ်ဗေဒင်ဟောရန်အတွက်ပေါ်ပေါက်ခဲ့ခြင်းသာ ဖြစ်သည်။”

ကျွန်တော်၏စိတ်ဝင်စားမှု အရှိန်အဟုန်သည် အထွတ်အထိပ်သို့ ဖြုန်းခနဲ ရောက်ရှိသွားပါတော့ တယ်။

ဘာကြောင့်လဲဆိုတော့ ဒီတားရော့ဖဲချပ်များ ဟာလွန်ခဲ့တဲ့နှစ်ပေါင်း(၈၀၀)လောက်ကပေါ်ပေါက် အသုံးပြုလာခဲ့တဲ့ဖဲချပ်တွေ ဖြစ်တာကြောင့် ဒီ “ဖဲ ဗေဒင်” ဆိုတာ ယခုခေတ်ကာလမှ အသစ်အဆန်း လုပ်ပြီး ကြံကြံဖန်ဖန် ဗေဒင်ပညာရပ်တစ်ခုအဖြစ်အ သုံးပြုနေတာမဟုတ်ဘူး၊ လွန်ခဲ့သော ၁၂-ရာစု လောက်ကတည်းက ဒီ “ဖဲဗေဒင်” ရှိခဲ့ပါကလားဆို တဲ့အချက်ကြောင့်ပါပဲ။

ဒီတော့ ဒီဖဲဗေဒင်နဲ့ ပတ်သက်ပြီး ဖဲသမိုင်း ကိုလဲ အလျဉ်းသင့်လို့ အကျဉ်းမျှတင်ပြလိုပါတယ်။

ဖဲချပ်များဟာ လွန်ခဲ့တဲ့၁၂-ရာစုနောက်ပိုင်း လောက်ကစပြီး ပေါ်ပေါက်ခဲ့တယ်လို့ လေ့လာရဖူး ပါတယ်၊ ဒီဖဲချပ်တွေကို တရုတ်လူမျိုးများက ဦးစွာ အသုံးပြုတယ်လို့လဲဆိုကြပါတယ်။

ကိုလံဘတ်ရဲ့မှတ်တမ်းတွေကို အထောက် အထားပြုပြီး သမိုင်းသုတေသီတို့က ဖဲချပ်တွေကို တရုတ်ပြည်က တဆင့်ဥရောပကို ပျံ့နှံ့ခဲ့တယ်လို့ ယူဆကြပါတယ်။

ဥရောပမှာ ဦးစွာပေါ်ပေါက်ခဲ့တဲ့ဖဲချပ်တွေကို တော့ထာဝရဖဲချပ်များရယ်လို့ ခေါ်ဝေါ်ခဲ့ကြပါတယ်၊ ဒီတားရော့ဆိုတဲ့ အမည်နာမရရှိလာပုံကို သုတေသီ များအမျိုးမျိုး ကြံဆကြည့်ကြပါသေးတယ်၊ ဘယ်ဝေါ ဟာရဘယ်တိုင်းနိုင်ငံက ဘာသာစကားဖြစ်တယ်ဆို တာ ဘယ်သူမှအတိအကျမပြောနိုင်ကြဘူး။

ဒါပေမယ့် ဖဲချပ်ရဲ့အမည်နာမကို ပြင်သစ် ပြည်မှာ “တားရော့”၊ အီတလီမှာ “တာရိုတို”၊ ဥရောပ တခွင်မှာတော့ “တာရို”၊ အိန္ဒိယပြည်မှာတော့ “ဂန်ကိုဖား” ဟူ၍ ခေါ်ဝေါ်သမုတ်ခဲ့ကြကြောင်းကို တော့မှတ်သားလိုက်ရပါတယ်။

ဖဲသမိုင်းအရ ယခုကျွန်တော်တို့မြင်တွေ့နေ ကြရတဲ့ဖဲချပ်ပုံသဏ္ဍာန်များဟာ ရှေးခေတ်မှာတော့ ဒီလိုပုံဒီဇိုင်းတွေဖြစ်ချင်မှဖြစ်လိမ့်မယ်။

တရုတ်ပြည်ကဖဲချပ်များမှာဆိုယင် ဒင်္ဂါးပုံ၊ သံကြိုးပုံတွေနဲ့၊ ဥရောပမှာဆိုယင် သူ့ခေတ်ကပေါ် ပေါက်ခဲ့တဲ့ ဘုရင်တွေရဲ့ပုံတွေ၊ ပညာရှိတွေရဲ့ပုံတွေ၊ အခြားပန်းချီရုပ်ပုံတွေ၊ သားကောင်တွေရဲ့ပုံတွေ စသည်အမျိုးမျိုး ရှိခဲ့ကြပါတယ်။

ဂျိုကာလို့ခေါ်တဲ့ အချပ်ပိုဖဲချပ်ဆိုယင် ရှေး ခေတ်ကလမ်းလျှောက်နေတဲ့ ကလေးငယ်ရဲ့ပုံဖြစ်ပြီး တားရော့ဖဲချပ်များမှာတော့ လူရွှင်တော်ပုံဖြစ်ပါတယ်။

ဖဲချပ်အရေအတွက် အားဖြင့်လဲ တားရော့ဖဲ ထုပ်မှာ အချပ်ရေ(၇၈)ချပ်ပါရှိပါတယ်။ အဓိကဖဲချပ် (၂၂)နဲ့အဖြည့်ဖဲချပ်(၅၆)ချပ်ရှိပါတယ်။ (Joker)လို့ ခေါ်တဲ့အချပ်ပိုဟာ အဲဒီ့အဓိကဖဲချပ်(၂၂)ချပ်ထဲမှာ ပါဝင်ပါတယ်။

အဲဒီ့နောက် ပြင်သစ်တို့က အဓိက(၂၂)ထဲ က(Joker)တစ်ချပ်ကိုသာယူပြီး အဖြည့်ဖဲချပ်(၅၆)နဲ့၊ စုစုပေါင်း(၅၇)ရှိတဲ့ဖဲထုပ်စနစ်ကို တီထွင်လိုက်ပါ တယ်။

အဲဒီ့အခါမှာ ရှေးကလိုရုပ်ပုံတွေ မဟုတ်တော့ ဘဲ(၁)မှ(၁၁)ထိကို ဖဲပွင့်တွေအသုံးပြုပြီး (၁၁)(၁၂) (၁၃)ဆိုတဲ့နံပါတ်ကျတော့ ကင်း(King)(Queen)နဲ့ (Jack)လို့အစားထိုးအသုံးပြုတယ်။

ယခုခေတ် ကျွန်တော်တို့အသုံးပြုနေတဲ့ဟပ်၊ ဒိုင်းမွန်း၊ စပိတ်နဲ့ကလပ်ဆိုတဲ့ဖဲပွင့်တွေဟာ ပြင်သစ် တို့တီထွင်ကြံဆခဲ့တဲ့ ဒီဇိုင်းပုံတွေဖြစ်ပါတယ်။ (Heart)(Diamond)(Spade)(Club)

ကဲ……ဖဲသမိုင်း အနေနဲ့တော့ ဒီမျှနဲ့ပဲ အ ကျဉ်းလောက်တင်ပြပါရစေ၊ ဆက်လက်ပြီး ဖဲဗေဒင် ရဲ့မူလဇစ်မြစ်ကိုသုတေသနပြုကြည့်ရအောင်၊ ဘာ ကြောင့်လဲဆိုတော့ ဒီဖဲဗေဒင်ကို တီထွင်ခဲ့တာဟာ ဗေဒင်ဟောဖို့အတွက်ဖြစ်တယ်ဆိုတဲ့ အချက်ကြီးက ကျွန်တော်တို့ဦးနှောက်ကိုအလုပ်ပေးလိုက်ပြီမဟုတ်ပါလား။ ဒီတော့ဒီဖဲဗေဒင်ကိုတီထွင်သူတွေဟာလဲ အတွေးအခေါ်ပညာရှင်တွေပဲဖြစ်ရမှာသေချာပါ တယ်။ တီထွင်သူဆိုတာ သာမန်ဦးနှောက်တွေထက် “စွမ်းအား”ကြီးမားသူတွေမဟုတ်ပါလား၊ တီထွင် တယ်ဆိုတာဟာလဲ အခြေခံရင်းမြစ်တစ်ခု(၀ါ)သီအိုရီ တစ်ခုပေါ်မှာ အခြေခံကြရတယ်ဆိုတာ စာဖတ်သူ များသိနားလည်ပြီးသားဖြစ်ပါတယ်။

ယခုခေတ် ဖဲထုပ်တစ်ထုပ်ကိုယူကြည့်လိုက် ပါ၊ ရေတွက်ကြည့်ပါ၊ (၅၂)ချပ်ရှိပါတယ်။ အပိုဖဲချပ် (Joker)နဲ့ဆိုယင် (၅၃)ချပ်တိတိ ပါဝင်ပါတယ်။ ဒါ ဟာဘာကြောင့် ဒီလိုအရေအတွက် ထားရပါသလဲ ရှင်းပြပါ့မယ်။

ကမ္ဘာလောကကြီးတစ်ခုလုံးရဲ့ အဖြစ်အပျက် မှန်သရွေ့ကိုထိန်းချုပ်သတ်မှတ်ထားတာဟာ “အချိန် ကာလ” ပဲဖြစ်ပါတယ်။ ဒီအချိန်ကာလအရ…..

တစ်လလျှင်(၄)သီတင်းရှိတယ်၊ (မြန်မာပြက္ခ ဒိန်အရ)တစ်နှစ်လျှင် (၅၂)သီတင်းရှိပါတယ်။

ဒါကြောင့် တစ်နှစ်တာရဲ့သီတင်းပတ်အရေ အတွက်နဲ့ကိုက်ညီပါတယ်။

ဖဲချပ်တွေမှာ ဖဲပွင့်လေးမျိုးပါရှိပါတယ်၊ အဲဒီ့ သဘောကတော့….

ပထ၀ီ၊ တေဇော၊ အာပေါ၊ ၀ါယောဆိုတဲ့ လောကကြီးကို ချယ်လှယ်နေတဲ့ဓါတ်ကြီး(၄)ပါးပါပဲ၊ ဒီဓါတ်ကြီးလေးပါးချယ်လှယ်လွှမ်းမိုးမှုကြောင့် လူ တွေရဲ့ကံကြမ္မာတွေကိုလဲ ပြုပြင်ပြောင်းလွဲရတဲ့ သဘောအနက်ကို ယူထားတာနဲ့ကိုက်ညီပါတယ်။

နောက်တစ်ချက်က အဲဒီ့ဖဲပွင့်ရဲ့အရောင်ဟာ (၂)မျိုးပဲရှိပါတယ်၊ တစ်မျိုးကအနီဖြစ်ပြီး တစ်မျိုးက အနက်ဖြစ်ပါတယ်။

အနီနဲ့အနက်ရဲ့သဘောတရားကတော့ နေ့ နဲ့ည၊ အလင်းနဲ့အမှောင်၊ အဆိုးနဲ့အကောင်း၊ အပူ နဲ့အအေးဆိုတဲ့သဘောတရားတွေကို ဆောင်ပါ တယ်။

ရှေးခေတ်ဖဲချပ်တွေကို နိမိတ်ကောက်ယူပုံက တော့(Heart)ဆိုတဲ့ဖဲချပ်ကို ချစ်ခင်မှု၊ ပေါင်းစည်းမှု၊ မေတ္တာတရား၊ သံယောဇဉ်ကြိုး၊ အိမ်ထောင်ရေးတို့ ရဲ့အောင်မြင်ခြင်းနဲ့နိမိတ်ကိုယူပါတယ်။ (Spade) ကိုတော့ ကြေကွဲ ၀မ်းနည်းမှု၊ ဆုံးရှုံးမှု၊ နစ်နာမှု၊ မ အောင်မြင်မှုဆိုတဲ့ ဆိုးကျိုးလို့ယူဆပါတယ်။ (Diamond)ကျတော့ လာဘ်လာဘ၊ ဥစ္စာပစ္စည်း၊ ရွှေငွေရတနာများရဲ့လာဘ်လာဘနိမိတ်လို့ဟောပါ တယ်။ (Club)ကိုတော့ အဆိုးတစ်ဝက်၊ အကောင်း တစ်ဝက်၊ ဖက်စပ်ဆက်သွယ်နေတဲ့သဘောကို ဆောင်တယ်လို့ ယူဆကြပါတယ်။

အရေအတွက်အားဖြင့် ထပ်မံပြီး အသေးစိတ် တွက်ကြည့်ယင် တစ်နှစ်တာရဲ့အချိန်ကာလကိုကိုယ် စားပြုထားတယ်ဆိုတာလဲ တွေ့ရပါတယ်။

ဖဲချပ်အရေအတွက် နံပါတ်(၁)မှ(၁၀)ထိ

= ၁၀×ဖဲပွင့်၎မျိုး = ၄၀-ချပ်

J, K, Q သုံးမျိုး = ၁၂-ချပ်

၅၂-ချပ်

ဂျိုကာ = ၁-ချပ်

၅၃-ချပ်

ဂဏန်းအရေအတွက်အားဖြင့်

၁မှ၁၀ထိနဲ့၊ J,K,Q (၁၁-၁၂-၁၃)တို့ပေါင်း လိုက်ယင် = (၁)မှ(၁၀)အထိ

ပေါင်းခြင်း = ၅၅

= J,K,Q (၁၁+၁၂+၁၃) = ၃၆

ဖဲပွင့်၎မျိုး = ၎