သမ္မတကြီး(ငြိမ်း)ဦးစိန်လွင်နဲ့ကျွန်တော်

၁။ အားလုံးကောင်းတယ်ဆိုတာကိုယ်ကောင်းမှဖြစ်တာပါ။ ၂။ ကိုယ့်လုပ်ရပ်ကို သူများအားကျအောင် လုပ်နိုင်ဖို့ လိုတယ်။ ၃။ ကျုပ်သေသွားရင်ကျုပ်ဘာတွေ လုပ်ခဲ့သလဲဆိုတာ ကျုပ်ရဲ့စာအုပ်တွေက ခင်ဗျားတို့ကိုပြောပြပါလိမ့်မယ်။ ၄။ သိထားတဲ့အခါမှာကျေနပ်နေရင် သိထားတာနဲ့ပဲ ကိစ္စပြီးသွားလိမ့်မယ်။ ၅။ နည်းနည်းလေးမှားတာကို ခွှင့်လွှတ်ခဲ့ရင် မဟာအမှား ကြီးဖြစ်သွားလိမ့်မယ်ဆိုတာ ကြပ်ကြပ်သတိထား။ ၆။ ဘာပဲကုန်သွား ကုန်သွား၊ ကျုပ်ဆီမှာ အမြဲရှိနေတာက မျှော်လင့်ချက်ပဲ။ ၇။ မြင့်မြတ်ချင်ရင်မြင့်မြတ်တဲ့အလုပ်ကိုလုပ်ရပါမယ်။ ၈။ လုပ်မယ်လို့စိတ်ကူးရဲရင်အဲဒီ့အလုပ်ဟာအောင်မြင်ဖို့ သေချာသွားပြီလို့ ကျုပ်ယုံကြည်တယ်။ ၉။ မောပြီဆိုပြီး သွားမရပ်လိုက်နဲ့။ ပိုပြီးမောသွားလိမ့်မယ်။ ဆက်သာလုပ်။ အောင်မြင်တဲ့အခါ သူ့ဘာသာသူ အမောပြေသွားလိမ့်မယ်။ ၁၀။ တန်ဖိုးဆိုတာ သိတဲ့လူအပေါ်မှာပဲ တည်တယ်။ မသိတဲ့ လူတွေအတွက် ဘာမှတန်ဖိုးမရှိဘူး။ ၁၁။ မုန်းတဲ့လူကမချစ်တာထက်၊ ချစ်တဲ့သူတွေက မမုန်းဖို့ ကျုပ်မှာတာဝန်ရှိတယ်။ ၁၂။ အခွင့်အရေးရယ်၊ အချိန်အခါရယ်၊ ပံ့ပိုးမှုရယ်၊ စိတ်ဆန္ဒရယ်မပါဘဲ ဘယ်အလုပ်မှ မအောင်မြင်ဘူး။ ၁၃။ ပြီးပြီးရောလုပ်ခဲ့တဲအလုပ်တွေအားလုံးဟာနောင်လာနောက်သားတွေကိုချောက်တွန်းခဲ့တာပဲဖြစ်တယ်။ ၁၄။ လုပ်ပြီဆိုကတည်းက သမိုင်းတင်ချင်လို့ပဲ။ ၁၅။ မြင့်မြင့်ပျံရင်တော့ များများမောမှာပဲ။ များများမောမှလည်း မြန်မြန်ရောက်မယ်။ ၁၆။ ကိုယ်လုပ်နေတဲ့အလုပ်အပေါ်မှာရိုးသားစွာ လိပ်ပြာသန့်နေရင် ဘယ်သူ့ကိုမှ မှုစရာမလိုဘူး။ ၁၇။ မကောင်းဘူးလို့တစ်သံတည်းမထွက်သရွေ့ ကိုယ်လုပ်တဲ့အလုပ်ဟာ ကောင်းနေတယ်လို့ ကျုပ်ယူဆထားတယ်။ ၁၈။ လုပ်ချင်သလောက် မလုပ်နိုင်သေးရင် လုပ်နိုင်သလောက် လုပ်ထားမှာပဲ။ ၁၉။ ရန်သူတစ်ယောက်ထက်၊ ပတ်ချာလည်ဝိုင်းနေတဲ့မိတ်ဆွေတုတွေကို ကျုပ်ကပိုကြောက်တယ်။ ၂၀။ လုပ်ကြည့်လို့မှားသွားရင် ၀မ်းသာပေတော့။ ၂၁။ နှိုက်သလောက်ရတာ ပညာပါပဲ။ ၂၂။ ဘယ်ကိစ္စကိုမဆို ပီပီပြင်ပြင် မတီထွင်နိုင်ရင် ရယ်ချင်စရာဖြစ်သွားမှာ။ ၂၃။ သူများလုပ်ပြတာတွေကို အားရစရာမလိုဘူး။ အားကျဖို့ပဲလိုတယ်။ ကိုယ်တိုင်လုပ်နိုင်ဖို့လိုတယ်။ ၂၄။ လုပ်ခဲ့တာတွေအပေါ်မှာ ယစ်မူးမနေဘူး။လုပ်ချင်တာတွေအပေါ်မှာ စိတ်ကူးမယဉ်ဘူး။ လုပ်နေတာတွေအပေါ်မှာဘဲ ကျေနပ်တယ်။ ၂၅။ တစ်လောကလုံးမှာ လုံခြုံတဲ့နေရာဟာ စိတ်ထဲမှာပဲရှိတယ်။ ၂၆။ ကိုယ်ဘာလုပ်နေသလဲဆိုတာ သူများသိဖို့မလိုဘူး။ ကိုယ်သိဖို့ပဲလိုတယ်။ ၂၇။ မျက်စိကန်းတာအရေးမကြီးဘူး၊ စိတ်ဓါတ်မကန်း ဖို့အရေးကြီးတယ်။ ၂၈။ လက်ခုပ်တီးတိုင်း ကိုယ့်ကိုအားပေးတယ်မထင် နဲ့၊ ကိုယ့်ကိုတောထုတ်တာလဲဖြစ်နိုင်တယ်။ ၂၉။ ပညာလိုချင်ရင် မာနထား၊ ပညာပေးချင်ရင် မာနချ၊ ဒါမှပညာရှင်ဖြစ်တယ်။ ၃၀။ ၀ိုင်းမြှောက်တိုင်း မြှောက်သွားရင် ပေါက်သွားမှာ လဲ သတိထားဦး။ ၃၁။ ကြိုက်နေတယ် ဆိုတာ အားလုံးကောင်းနေလို့ ဆိုပြီးမထင်နဲ့။ သူ့အတွက် ကြိုက်တာလား၊ ကိုယ့်အတွက် ကြိုက်တာလား၊ စဉ်းစားကြည့်။ ၃၂။ ကိုက်မယ့်အလုပ်ထက် ကြိုက်တဲ့အလုပ်ကိုလုပ် ရတာ ကျုပ်ပိုပျော်တယ်။ ၃၃။ လုပ်နိုင်သလောက်ကိုပဲပြော၊ ပြောသလောက်မ လုပ်နိုင်ရင် ကွယ်ရာမှာ ရယ်စရာဖြစ်နေမယ်။ ၃၄။ လမ်းမြင်တာနဲ့ ပန်းဝင်ပြီလို့မထင်နဲ့၊ အဝေးကြီး လိုသေးတယ်။ဆက်သာပြေး၊ အချိန်တန်ရောက် သွားလိမ့်မယ်။ ၃၅။ ငွေတစ်မတ်နဲ့ ငါးကြင်းခေါင်းကို လိုချင်လို့မရပါ။ တန်ဖိုးကြီးကြီးပေးခဲ့မှ တန်ဖိုးရှိတာတွေ အားလုံး ရမယ်လို့ ကျုပ်ခံယူတယ်။ ၃၆။ ထီးလိုနေမလား၊ ဘိနပ်လိုနေမလား၊ လွယ်အိတ် လိုလိုက်မလား၊ ကိုယ့်အခြေအနေကို ပြတ်ပြတ် သားသား ဆုံးဖြတ်နိုင်ဖို့လိုတယ်။ ၃၇။ လမ်းသစ်ထွင်ရင် ဆူးနင်းမိမှာဘဲ။ ဆူးကြောက် ပြီးဒူးထောက်မိခဲ့ရင်မူးနောက်ပြီးလဲသွားလိမ့်မယ် ၃၈။ စိတ်မကုန်မချင်းလုပ်လို့ ကောင်းနေတဲ့ အလုပ် တွေဟာ စိတ်ကုန်သွားတာနဲ့ရပ်သွားမှာပဲ။ ၃၉။ အရိုးစူးတယ်ဆိုတာငါးစားလို့။ အမှားများတယ် ဆိုတာအလုပ်လုပ်လို့။ အဲဒါဘာဖြစ်သလဲ။ မှားစမ်းပါစေ။ ၄၀။ တမာရွက်ခါးတာ၊ သကြားချိုတာ၊ ငရုတ်သီး စပ်တာ၊ ရှောက်သီးချဉ်တာ သူတို့အလုပ် သူတို့လုပ်တာမို့ ကျုပ်ဂုဏ်ယူပါတယ်။ ၄၁။ အချိန်ကိုကိုယ်ကစောင့်ရတာ၊ အချိန်ကကိုယ့်ကို ဘယ်တော့မှမစောင့်ဘူး၊ အဲဒါသိပ်မတရားဘူး။ ၄၂။ ကကြီးကို ပက်လက်လှန်မကြည့်နဲ့၊ ကပက်လက် တော့ဖြစ်မှာမဟုတ်ဘူး၊ ယပလက်ပဲဖြစ်သွားမှာ။ ၄၃။ ပညာတော်တယ်ဆိုတာ ပညာရှာတော်တော့လို့ ပြောတာမဟုတ်ဘူး။ ဆက်ကြိုးစားဖို့ သတိပေး နေတာ။ ၄၄။ စိန်ခေါ်တယ်ဆိုတာ အနိုင်ရရေးအတွက်မဟုတ်ဘူး၊ အရှုံးမပေးဘူးဆိုတာသိဖို့အတွက်ပဲ။ ၄၅။ စာသာကောင်းပါစေ၊ ဘာလာတောင်းစရာရှိပါ့မလဲ၊ အားလုံးပြည့်စုံနေလိမ့်မယ်။ ၄၆။ ကျုပ်ရေးတဲ့စာဟာကျုပ်ဖတ်ဖို့မဟုတ်ဘူး။အားလုံးဖတ်ဖို့။ အားလုံးနဲ့တန်အောင် ကြိုးစားရမယ်။ ၄၇။ ညာစရာရှိလို့ပြင်တာကို ပညာရှိလို့ခေါ်တယ်တဲ့။ ဟုတ်လဲဟုတ်ပဲနဲ့။ ၄၈။ နောက်ဆုံးစက္ကန့်အထိပညာရပ်အပေါ်မှာရပ်တည်နိုင်ခြင်းဟာယောကျာ်းကောင်းရဲ့စိတ်ဓါတ်ပါပဲ။ ၄၉။ ပညာရပ်တစ်ခုကိုမမှန်ဘူးဆိုတာ သိနေရဲ့သားနဲ့ မှန်ပါတယ်လို့ လက်ခံနေရတာလောက် ခံပြင်းစရာကောင်းတာမရှိဘူး။ ၅၀။ ဂုဏ်ရှိအောင် ကြိုးစားတာထက် ရှိတဲ့ဂုဏ်ကို ထိန်းသိမ်းရတာ ပိုခက်တယ်။ ၅၁။ သူများလုပ်လို့ဖြစ်တာကို ၀မ်းသာနိုင်တဲ့လူဟာ သူတော်ကောင်းဖြစ်တယ်။ ၅၂။ တန်ဖိုးဆိုတာပေးတဲ့လူအပေါ်မူတည်တတ်တယ်။ ၅၃။ အောင်မြင်မှုရဲ့အောက်ကို ငုံ့ကြည့်ပါ။ ဆူးညှောင့် ခလုတ်တွေ ရှိနေပါတယ်။ အသီးစားချင်ရင်တော့ သစ်ပင် စိုက်ရမှာပဲ။ ဒါမှ ထိုက်ထိုက်တန်တန် စားရမှာပေါ့။ ၅၄။ ယုံကြည်တယ်ဆိုတာတစ်ယောက်ကတစ်ယောက်ကိုယုံရင်ကြည်တာပဲ။မယုံရင်မကြည်ဘူး။ ဟုတ်တယ်မဟုတ်လား။ ၅၅။ ခေါင်းမာတာကို အထင်မကြီးဘူး။ စိတ်ဓါတ်ခိုင်မာတာကိုပဲ ကျုပ်ကလေးစားတာ။ ၅၆။ လုပ်ပြနိုင်တာအားလုံးဟာ သတ္တိတွေဖြစ်တယ်။ ၅၇။ စိတ်ကူးတွေဟာပန်းတိုင်ရောက်ဖို့ပထမခြေလှမ်းဖြစ်တယ်။ ၅၈။ ပညာဆိုတာ သိတဲ့သူတွေအတွက်သာ အသုံးကျတာ။ မသိတဲ့သူတွေအတွက် ဘာမှအသုံးမကျဘူး။ ၅၉။ ကိုယ့်ဘာသာကိုယ် ဘာလုပ်နေသလဲဆိုတာ မှန်မှန်ကန်ကန်သိရင် လူတော်ဖြစ်ပြီ။ ၆၀။ သိနေတဲ့ပညာကို မလိုချင်ဘူး၊ ရှိတဲ့ပညာကိုပဲလိုချင်တယ်။ ဒါမှအသုံးကျတာ။ ၆၁။ မနာလိုမဖြစ်နဲ့၊ လုပ်တဲ့လူဟာနေရာရမှာပဲ။ ၆၂။ အသက်ရှင်ပြီး အသိသေနေတဲ့သူမဖြစ်ရအောင် ကြိုးစားတာဟာ ကျုပ်ရဲ့အလုပ်ပဲ။ ၆၃။ မလုပ်နိုင်ဘဲ ပြောနေတာထက်၊ လုပ်ပြီးမပြောတဲ့သူကို ကျုပ်လေးစားတယ်။ ၆၄။ ဆရာမတူတာနဲ့၊ အတွေးမတူတာနဲ့၊ အပြစ်ရှာတတ်တဲ့ပညာရှိဟာ ပညာမဲ့တဲ့သူသာဖြစ်တယ်။ ၆၅။ နောက်မပင်ပန်းချင်ရင် အခုပင်ပန်းတဲ့အလုပ်တွေကို လုပ်ပါ။ ၆၆။ ပညာမှာအရှုံးမရှိဘူး၊ဆက်မလုပ်ရင်သာကိုယ်ကရှုံးတာ။ ၆၇။ ဦးနှောက်က သိလို့မရဘူး၊ နှလုံးသားကသိမှ သိတယ်လို့ခေါ်တာ။ ၆၈။ ပညာဆိုတာ အရိပ်လိုပဲ၊ ခင်ဗျားသွားရင် သူကလိုက်မယ်။ ခင်ဗျားရပ်ရင် သူကရပ်တယ်။ ၆၉။ မနိုင်မယ့်အလုပ်ကို အရင်စမလုပ်နဲ့။ လုပ်နိုင်တဲ့အလုပ်ကိုပဲစပြီးလုပ်။မနိုင်မယ့်အလုပ်ကိုဆက်လုပ်နိုင်လိမ့်မယ်။ ၇၀။ အပြောလွယ်ပေမယ့် အလွယ်မပြောပါနဲ့။ ၇၁။ ကျုပ်သေသွားခဲ့ရင် ကျုပ်ဝိဥာဉ်လေးဟာ ဗေဒင်ပညာနဲ့အတူ ခင်ဗျားဆီ ရောက်လာပါလိမ့်မယ်။

0 comments

သမ္မတကြီး(ငြိမ်း)ဦးစိန်လွင်နဲ့ကျွန်တော်

Published on Thursday, December 6, 2012 in ဗေဒင် ဆောင်းပါးများ

(၁)

၁၉၇၃ခုနှစ်ဖြစ်ပါတယ်။ အဲဒီ့အချိန်မှာကျွန်တော်မန္တလေးမြို့မှာ ဗေဒင်စတင်ဟောပြောနေပါတယ်။ တစ်ညနေ မဟာနဖူးနဲ့အရပ်မြင့်မြင့်၊ အသားညိုဝါ၊ မျက်နှာမှာအဖုလေးတွေနဲ့ပုဂ္ဂိုလ်တစ်ယောက်ဟာ လက်ဆွဲအိတ်တစ်လုံးကိုင်ထားတဲ့ လူငယ်တစ်ယောက်နဲ့အတူ ကျွန်တော်ဗေဒင်ဟောခန်းကို ရောက်လာပါတယ်။ အဲဒီ့အချိန်မှာ ကျွန်တော်ဟာ ဗေဒင်လက္ခဏာစာအုပ် (၆)အုပ်ထုတ်ပြီးဖြစ်ပါတယ်။ ကျွန်တော်တစ်ခါမှ မမြင်ဖူးတဲ့ လူလည်းဖြစ်ပါတယ်။ ကျွန်တော့်ရှေ့မှာ ခန့်ခန့်ကြီးထိုင်ပြီး၊ မေးခွန်း(၃)ခုမေးပါတယ်။

(၁) ခင်ဗျားဆရာဘယ်သူလဲ။

(၂) ဗေဒင်ဟောတာ ဘယ်လောက်ကြာပြီလဲ။

(၃) ဗေဒင်ပညာကိုရော ဘယ်လိုမြင်ပါသလဲ။ ဆိုတဲ့မေးခွန်းတွေပါ။

စပြီးဝင်လာကတည်းက ကျွန်တော်ရိပ်မိတာတစ်ခုက အခုလာတဲ့လူဟာ ဗေဒင်ဆရာတော့မဖြစ်နိုင်ဘူး။ အရာရှိတစ် ယောက်ဖြစ်မယ်လို့ ကျွန်တော်ယူဆမိခဲ့ပါတယ်။ သူမေးတဲ့မေးခွန်းတွေကလည်း ဗေဒင်မေးမယ့်မေးခွန်းတွေမှ မဟုတ်တာဘဲ။ ဘယ်သူဖြစ်ဖြစ်ပေါ့လေ။ မေးလာရင်ဖြေရမှာက ကျွန်တော့်တာဝန်။ ဒါကြောင့် ကျွန်တော်သူမေးတဲ့မေးခွန်းတွေကို ရိုရိုသေသေဖြေပါတယ်။ ကျွန်တော်ဖြေတာတွေကို ကျေနပ်သွားပုံရပါတယ်။ ဒါနဲ့သူ့လက်ဆွဲအိတ်ထဲကို လက်နှိုက်နေရင်း “ခင်ဗျားရေးတဲ့လက္ခဏာပညာရဲ့လျှို့ဝှက်ချက်များစာအုပ်ကို ရေးတဲ့အခါမှာ ဘယ်စာအုပ်တွေကိုများ မှီငြိမ်းပြုခဲ့သလဲ။”

၁၉၆၅ခုက ထုတ်ခဲ့တဲ့ ကျွန်တော့်ရဲ့ပထမဆုံးစာအုပ်ဖြစ်တဲ့ လက္ခဏာပညာရဲ့ လျှို့ဝှက်ချက်များ စာအုပ်အကြောင်းကိုမေးတော့ကျွန်တော်ရိပ်မိသွားပြီ။ ကျွန်တော်ရေးတဲ့စာအုပ်ကို ဖတ်ဖူးတဲ့လူတစ်ယောက်ဖြစ်တာကို။

အဲဒီ့စာအုပ်ရေးတုန်းက လုံ့လထုတ်ပြီး ဆေးရုံတကာဘယ်လိုသွား၊ ရေခဲတိုက်ကိုကြိမ်ဖန်များစွာ ရောက်ပြီးလေ့လာခဲ့တာတွေ၊ ရောဂါ၊ ဆေးပညာ၊ လူသားတွေကို ဘယ်လိုလေ့လာခဲ့တယ်၊ ဘယ်လိုရှာဖွေခဲ့တယ်ဆိုတာကို အသေးစိတ်ပြောပြ တော့ ခေါင်းတစ်ဆတ်ဆတ်ငြိမ့်ရင်း၊ ပြုံးပြပါတယ်။ ပြီးတော့ အိတ်ထဲနှိုက်ထားတဲ့လက်ကိုဆွဲထုတ်လိုက်တဲ့အခါမှာ ကတ်ထူအဖုံးနဲ့ဖုံးထားတဲ့စာအုပ်ကလေးတစ်အုပ်ထွက်လာပါတယ်။

ပုဂ္ဂိုလ်ကြီးက ကျွန်တော့်ကိုလက်ဆွဲနှုတ်ဆက်ပြီး“ခင်ဗျားရေးတာတော်တော်ကောင်းတယ်ဗျာ။ တော်တော်အသက်ကြီးတဲ့ ပုဂ္ဂိုလ်တစ်ယောက်ကရေးတယ်ထင်တာ။ ခင်ဗျားငယ်ငယ်လေးရှိသေးတာပဲ။ ဒီအတိုင်းကြိုးစားသွား မကြာခင်မှာဘဲခင်ဗျားလိုချင်တဲ့ပန်းတိုင်ကို ရောက်သွား လိမ့်မယ်။”

အခုလိုခင်ဗျားကိုတွေ့ရတာ အနာဂတ်ဗေဒင်လောကအတွက် အားကိုးရလောက်တဲ့ပညာရှင်တစ်ယောက်ကို တွေ့လိုက်ရသလိုပဲ။ ဒါနဲ့သူ့အိတ်ထဲကနေ ငွေငါးရာကို ကျွန်တော့်လက်ကို ကမ်းပေးပါတယ်။ ပျာပျာသလဲနဲ့ ကျွန်တော်က “ဗေဒင်ဟောတာမဟုတ်လို့ မယူပါရစေနဲ့၊ ကျေးဇူးတင်ပါတယ်။ နောင်ကိုလဲ လိုအပ်တာရှိရင် ကျွန်တော့်ကိုကူညီပါ။ အကြံဥာဏ်ပေးပါ။” လို့ပြောတော့ ကျွန်တော့်ပုခုံးကိုပုတ်ပြီး အားပေး စကားပြောပြီး ပြန်သွားတဲ့ပုဂ္ဂိုလ်ဟာ နောင်တစ်ချိန်မှာ နိုင်ငံတော်သမ္မတဦးစိန်လွင်ဖြစ်မှန်း ကျွန်တော်မသိခဲ့တာအမှန်ပါ။ ဘာကြောင့်လဲဆိုတော့ ကျွန်တော်ဟာအင်မတန်တုံးတဲ့ဗေဒင်ဆရာဖြစ်လို့ပါပဲ။

(၂)

၁၉၈၄ခု အောက်တိုဘာလမှာ မြန်မာနိုင်ငံဝေဒသုတေသနအဖွဲ့ဥက္ကဌဆရာကြီး ဆရာမြိုင်က ဇောတိသမဂ္ဂဇင်း တိုးတက်ရာတိုးတက်ကြောင်းအစည်းအဝေးမှာ-

“ကိုဒဂုန်၊ အစည်းအဝေးပြီးရင်မပြန်နဲ့အုံး၊ ခင်ဗျားကိုတစ်နေရာခေါ်သွားစရာရှိတယ်။”ကျွန်တော်က အဘိုးကြီးလုပ်ပြန်ပြီဟေ့လို့စိတ်ထဲက ဖြစ်နေမိတယ်။ ဆရာမြိုင်ဟာကျွန်တော့်ကို အရမ်းချစ်ပြီး၊ နေ့တစ်ဒူဝ အတွေးအခေါ်နဲ့ပတ်သက်ပြီး ရန်ဖြစ်နေကြလည်းဖြစ်ပါတယ်။ စိတ်ဆိုးစရာရန်ဖြစ်တာတော့မဟုတ်ပါဘူး။ စကား အခြေအနေပြောကြတာပါ။ လွန်ခဲ့သော ၅ရက်လောက်ကပဲ ရွှေပုဇွန်အအေးဆိုင်ပိုင်ရှင်၊ ပွင့်ကောင်းငါးပိငံပြာရည်လုပ်ငန်း ပိုင်ရှင်အဘဦးပွင့်ကောင်းက ထမင်းကျွေးမယ်ဆိုလို့သွားပြီး ထမင်းစားရပါသေးတယ်။ အဲဒီ့မတိုင်ခင် နှစ်ပတ်လောက်ကပဲ မကွေးဘောလုံးအသင်းနိုင်လို့ ဦးမောင်မောင်ကျော် (ဒေါ်မို့မို့မြင့်အောင်၏ခင်ပွန်း)က အင်းယားလိတ်မှာ ကျွန်တော်တို့ တစ်ဖွဲ့လုံးကို ထမင်းကျွေးလို့ သွားစားရပါသေးတယ်။ တစ်ပတ်မှာ နှစ်ခေါက်ထက်မနည်းအဲသလို မိတ်ဆွေတွေ၊ လူကြီးတွေနဲ့တွေ့ပြီး စကားပြောကြ၊ ထမင်းစားကြနဲ့ ပျော်ပျော်ရွှင်ရွှင်အချိန်တွေကိုဖြုန်းခဲ့ရပါတယ်။ အခုလည်း ညနေအလုပ်တွေပြီးတဲ့အခါမှာ ဇောတိသဝေဒမဂ္ဂဇင်းရဲ့အခြေအနေကို အကြံပေးမယ့်ပုဂ္ဂိုလ်ဆီရောက်တော့ ဖော်ဖော်ရွေရွေပါပဲ။ စကား ပြောရင်းကနေ ဖျတ်ကနဲ ကျွန်တော့်ဘက်လှည့်ပြီး-

“ကောင်းသဗျာ-----------၊ ဇောတိသဝေဒမဂ္ဂဇင်းနံပါတ်တစ်မှာပါတဲ့ ခင်ဗျားရဲ့ အသက်မရှည်သောသက်ရှည် ဆောင်းပါးဟာ၊ မဂ္ဂဇင်းတစ်ခုလုံးမှာ အကောင်းဆုံးဆောင်းပါး၊ အကြိုက်ဆုံးဆောင်းပါးလဲဖြစ်တယ်။ နောက်လဲဒါမျိုးတွေ ရေးပါဗျာ..၊ ခင်ဗျားကပြောပြတတ်တဲ့လူဖြစ်တယ်။ အဲဒီ့တော့ အဲဒီ့လိုအသစ်အဆန်းတွေရှာပြီးရေးပါ။” ကျွန်တော်က “ဟုတ်ကဲ့ပါခင်ဗျာ၊ ကျွန်တော်ကြိုးစားပါ့မယ်” လို့လေးစားစွာပြန်ပြောခဲ့ပါတယ်။

သူရဲ့ရာထူး၊ သူ့ရဲ့ဂုဏ်သရေ၊ သူရဲ့ အလုပ်နဲ့ဘာမှမဆိုင်တဲ့ဗေဒင်ပညာကို တစ်စိုက်မတ်မတ်လိုက်စားပြီး လေ့လာနေတာဟာ ဗေဒင်လောကအတွက်ဂုဏ်ယူရမယ့်ကိစ္စဖြစ်ပါတယ်။ ဗေဒင်ဆရာနဲ့ဗေဒင်ပညာအပေါ် စေတနာမှန်ထားပြီး ပြောတတ်ဆိုတတ်လို့လဲတော်တော်များများ ကသူ့ရှေ့မှာဗေဒင်ဆရာဖြစ်ကြောင်း၊ ဗေဒင်အကြောင်းမပြောရဲကြပါ။ ကျွန်တော့်အတွက် နိုင်ငံတော်ကောင်စီအတွင်းရေးမှူးဦးစိန်လွင်လို့ကျွန်တော်မမြင်ဘဲ ဗေဒင်ပညာအပေါ် ရိုးသားစွာ လေးစားတဲ့ ဗေဒင်ချစ်သူတစ်ယောက်အဖြစ်သာ ကျွန်တော်သိထားပါတယ်။

၁၉၈၉ခုဖြစ်ပါတယ်။

(၃)

ကျွန်တော့်နဲ့ ဆရာကြီးဦးတင်အောင် (ရန်ကင်း)တို့ဟာ ပုသိမ်မြို့၊ သဒ္ဓမ္မသီရိ ဘုန်းကြီးကျောင်းမှာ တရားဝင်နေတဲ့ရဟန်းတစ်ပါးနဲ့ တွေ့ခဲ့ရပါတယ်။ အဲဒီ့ရဟန်းဟာ သမ္မတကြီး (ငြိမ်း)ဦးစိန်လွင်၊ ဘုန်းကြီးဝတ်နေတာဖြစ်ပါ တယ်။ ကျွန်တော်နဲ့ဦးတင်အောင်ကို တွေ့ပြီးစကားတွေ အများကြီးပြောဖြစ်ခဲ့ပါတယ်။ အင်္ဂလန်နိုင်ငံမှာ မျက်စိခွဲဖို့သွားတဲ့ အချိန်မှာ အင်္ဂ၀ိဇ္ဇာနဲ့ဗေဒင် ဟောတဲ့အကြောင်းတွေ၊ အနောက်တိုင်းသားတွေ ကိုဗေဒင်ပညာနဲ့ အနိုင်ယူခဲ့ပုံတွေကို မြိန်ရေ ယှက်ရေပြောပြပါတယ်။ အဘဘိုးဘိုးအောင်ရဲ့ စမတွေ၊ အင်းအိုင်ခါးလှဲ့တွေ အကြောင်းရှင်းပြ ပြောပြခဲ့ပါတယ်။ ကိုယ်ကလဲ ကိုယ်သိတာပြော၊ သူကလဲသူ့အတွေ့အကြုံတွေပြောနဲ့ တော်တော် လေးပြောလို့ဆိုလို့ကောင်းပါတယ်။ ဒီနေရာမှာ နိုင်ငံရေးကိစ္စမပါပါ။ပြောလဲမပြောကြပါ။ကျွန်တော်လဲတုဏိဘာဝေနေသလို၊ သမ္မတကြီး(ငြိမ်း)ကလည်း သူ့ရဲ့ပြီးခဲ့တဲ့ ဘ၀အကြောင်းကို စိတ်ဝင်စားခြင်းမရှိပါ။ ပစ္စုပ္ပန်ကိုလဲ တည့်တည့်ရှု့ပြီး တရားမှတ်နေပါတယ်။ ကျွန်တော် တောင်းဆိုလို့ သူ့ရဲ့မူလဇာတာနဲ့ လက္ခဏာကို ရယူခဲ့ပါတယ်။ ဒီလိုဇာတာရလို့၊ လက္ခဏာရလို့ ကျွန်တော့် ကိုယ်ကျိုးရှာဖို့ မစဉ်းစားမိပါ။ နောင်လာနောက်သား လူငယ်တွေလေ့လာနိုင်အောင် သိထားနိုင်အောင် တင်ပြပေးခြင်းမှအပ ပို၍ ပို၍မစဉ်းစားပါ။ တကယ်လို့ခင်ဗျားဗေဒင်ဝါသနာပါရင် အောက်ပါ ဇာတာရှင်ဟာ နိုင်ငံတော်သမ္မတ(ငြိမ်း) ဦးစိန်လွင်ရဲ့ဇာတာဖြစ်ပါတယ်။ လေ့လာကြည့်ပါ။ အကယ်၍ ခင်ဗျားကဟောပြရမယ်ဆိုရင် ဘယ်လိုဟောမလဲ။ ကိုယ်ဟောတာတွေ ကမှန်မယ်လို့ အာမခံရဲပါ သလား။ ကဲ……..ဇာတာကို အပထား။ အောက်ပါလက္ခဏာ ဘယ်ညာနှစ်ဖက်စလုံးဟာ သမ္မတကြီး (ငြိမ်း)ဦးစိန်လွင်ရဲ့လက္ခဏာဖြစ်ပါတယ်။ လေ့လာကြည့်ပါဦး။ စိတ်ဝင်စားစရာကောင်းပါတယ်။

လက်ဝါးပြင်ပုံကို အထက်မှာဖော်ပြပြီး၊ ထပ်မံမူလ ဇာတာကို ဖော်ပြချင်ပါသေးတယ်။

မြန်မာသက္ကရာဇ်၁၂၈၅ခု၊ပြာသိုလပြည့်ကျော်(၂)ရက် (၂၂.၁.၁၉၂၄) အင်္ဂါသား၊ ည၈နာရီ၃၅မိနစ်၊ ပေါင်မြို့နယ်မှာ မွေးဖွား ခဲ့ပါတယ်။

မူလဇာတာက

(၄)

လှိုင်သာယာက ထိန်ပင်သုသာန်ဖြစ်ပါတယ်။ ကျွန်တော်အလောင်းထားတဲ့အခန်းထဲဝင်သွားတော့ ကျွန်တော့်အရင်ရောက်နေတဲ့ ပုဂ္ဂိုလ်ကြီးက ကျွန်တော့်ကို လက်ယပ်ခေါ်ပါတယ်။ သူ့ရှေ့မှာငြိမ်းချမ်းစွာလဲလျောင်းနေတဲ့ ဆရာကြီး ဦးတင်အောင်(ရန်ကင်း)ရဲ့ရုပ်ကလာပ်ကိုမမှိတ်သောမျက်လုံးနဲ့ကြည့်ရင်း အသုဘကမ္မဌာန်းရှုနေပါတယ်။ အဲဒီ့ပုဂ္ဂိုလ်ဟာ နိုင်ငံတော်သမ္မတ(ငြိမ်း)ဦးစိန်လွင်ဖြစ်ပါတယ်။ကျွန်တော့်ကိုတွေ့တွေ့ချင်းပဲ- “ခင်ဗျားနောက်ကျလိုက်တာ”လို့ပြောပြီး အလ္လာပသလ္လာပစကားတွေပြောကြပါတယ်။

ဗေဒင်ဆရာတွေအကြောင်း၊ ဗေဒင်ပညာအကြောင်း၊ လူထုနဲ့ဆက်သွယ်နေတဲ့ဗေဒင်ဆရာတွေရဲ့စိတ်ဓါတ်၊ သူ့အရမ်းဖြစ်စေချင်တာက ဗေဒင်ပညာနဲ့စပ်လျဉ်းတဲ့စာကြည့်တိုက်၊ စာဖတ်ခန်း၊ သင်တန်းကျောင်းတွေအကြောင်းကို အားရပါးရပြောပြပါတယ်။ ကျွန်တော့်ကိုလဲ ကိုယ်တတ်နိုင်တာရှိရင် ၀ိုင်းလုပ်ပါလို့ အကြုံပြုနေပါတယ်။ ကျွန်တော်ကမချိပြုံးပြုံးရင်း

“ဦး-ပြောတာအားလုံးကောင်းပါတယ်။ဗေဒင်ဆရာတွေရဲ့တပည့်မွေး၊ ဆရာမွေး၊ မသင်ခင်ကတည်းက တတ်နေတဲ့လူတွေ၊ မဖတ်ဘဲနဲ့တတ်နေတဲ့လူတွေ၊ မပြောဘဲသိနေတဲ့လူတွေ ဗေဒင်ဟောနေသရွေ့ကတော့ စေတနာမှန်နဲ့လုပ်ပေးချင်တဲ့ကိစ္စ တွေဟာဖြစ်ကိုမဖြစ်နိုင်ပါဘူး။ သဲထဲမှာရေသွန်ချလိုက်တာကမှ အရာထင်တန်ဖိုးရှိပါလိမ့်မယ်။ ဗေဒင်ဆရာတွေအားလုံး စိတ်ဓါတ်ပြောင်းကြပါမှ ရည်ရွယ်ချက်အမှန်အတိုင်းလောကကြီးမှာရပ်တည်နိုင်မှအဆင်ပြေမှာပါ။ ဦးလိုဘဲ…… ကျွန်တော်တို့လည်း အနာဂတ်ဗေဒင်လောကကို ကောင်းပါစေလို့ ဆုတောင်းရုံမှတစ်ပါး ဘာမှပြောလို့မရပါ။

ကွယ်လွန်သူ ဦးစိန်လွင်(နိုင်ငံတော်သမ္မတ)(ငြိမ်း)အတွက် အမှတ်တရပါ။

ဆရာဒဂုန်